ആർഎസ്എസ് നേതാക്കളെ കണ്ടത് ഡിജിപി പദവിക്ക് വേണ്ടി; എഡിജിപിക്കെതിരായ ഡിജിപി റിപ്പോർട്ടിലെ പരാമർശങ്ങൾ

കേരളത്തിൽ ആർഎസ്എസ് നേതാക്കളുമായി എഡിജിപി എം അജിത് കുമാറിർ നടത്തിയ കൂടിക്കാഴ്ചയെ കുറിച്ചുള്ള ഡിജിപിയുടെ റിപ്പോർട്ടിൽ ഗുരുതര പരാമർശങ്ങൾ. നേതാക്കളെ കണ്ടത് സംസ്ഥാനത്തെ ഡിജിപി പദവിക്ക് വേണ്ടിയാകാമെന്നു സംശയമെന്നും റിപ്പോർട്ടിൽ പറയുന്നു . കൂടിക്കാഴ്ച്ചയിൽ ദുരൂഹതയുണ്ടെന്നും പരാമർശമുണ്ട് .

വിവാദ കൂടിക്കാഴ്ച്ചയുടെ ഉള്ളടക്കം സംബന്ധിച്ച് ഇനിയും ശരിയായ വ്യക്തത തന്നില്ലെന്ന് ഡിജിപി പറയുന്നു . സംസ്ഥാനത്തെ പോലീസ് സേനയെ മുഴുവനായി സംശയ നിഴലിൽ നിർത്തിയെന്ന് റിപ്പോർട്ടിൽ പരാമർശിക്കുന്നു . ഈ പരാമർശങ്ങളിലാണ് അജിത്കുമാറിന്റെ സ്ഥാനം തെറിച്ചത്.

ആർഎസ്എസ് നേതാക്കളുമായി കോവളത്തും തൃശൂരിലും എഡിജിപി കൂടിക്കാഴ്ച നടത്തിയതിന്റെ ഉള്ളടക്കത്തിൽ ഡിജിപിക്ക് ചില സംശയങ്ങളുണ്ടായിരുന്നു. സ്വകാര്യ സന്ദർശനമെന്നാണ് കൂടിക്കാഴ്ച സംബന്ധിച്ച് എഡിജിപി നൽകിയ മൊഴി.