പാരീസ് ഒളിമ്പിക്‌സിൽ സ്വർണ്ണം; ജോക്കോവിച്ച് മ്യൂസിയം നിർമ്മിക്കാനുള്ള പദ്ധതി പ്രഖ്യാപനവുമായി സെർബിയ
പാരീസ് ഒളിമ്പിക്‌സിൽ നൊവാക് ജോക്കോവിച്ചിൻ്റെ നാടകീയമായ സ്വർണ്ണ മെഡൽ വിജയത്തെ തുടർന്ന്, സെർബിയ ടെന്നീസ് മഹാൻമാർക്കായി സമർപ്പിക്കപ്പെട്ട ഒരു മ്യൂസിയം നിർമ്മിക്കാൻ ഒരുങ്ങുന്നതായി രാജ്യത്തിൻ്റെ പ്രസിഡണ്ട് പറഞ്ഞു.
നൊവാക് ജോക്കോവിച്ച് മ്യൂസിയത്തിൻ്റെ നിർമ്മാണത്തെക്കുറിച്ച് ഞങ്ങൾ ആദ്യ ചർച്ചകൾ നടത്തി, ഇത് നഗരത്തിൻ്റെ മറ്റൊരു ആകർഷണമായി മാറുമെന്ന് പ്രതീക്ഷിക്കുന്നു, സെർബിയൻ പ്രസിഡൻറ് അലക്സാണ്ടർ വുസിക് പറഞ്ഞു.
ബെൽഗ്രേഡ് സ്വദേശിയും 24 ഗ്രാൻഡ് സ്ലാം കിരീട ജേതാവുമായ സെർബിയയിൽ ദ്യോക്കോവിച്ച് ജീവിക്കുന്ന ഇതിഹാസമെന്നാണ് അറിയപ്പെടുന്നത് . “പൽമ ഡി മല്ലോർക്കയിൽ റാഫേൽ നദാലിനായി സമർപ്പിച്ചിരിക്കുന്ന ഒരു മ്യൂസിയമുണ്ട്. ദ്യോക്കോവിച്ച് നമ്മുടെ രാജ്യത്തിന് വേണ്ടി എന്താണ് ചെയ്തതെന്ന് അദ്ദേഹത്തിൻ്റെ യോഗ്യതയ്ക്ക് അനുസൃതമായി പ്രദർശിപ്പിക്കാനും അതേ സമയം വിനോദസഞ്ചാരികളെ ആകർഷിക്കാനും ഞങ്ങൾ ശ്രമിക്കും, ”വൂസിക് കൂട്ടിച്ചേർത്തു.
2027-ൽ ബെൽഗ്രേഡ് വേൾഡ് എക്‌സ്‌പോ ആതിഥേയത്വം വഹിക്കുന്നതിന് മുമ്പ് മ്യൂസിയം പൂർത്തിയാകുമെന്ന് പ്രതീക്ഷിക്കുന്നതായി വുസിക് പറഞ്ഞു. ഞായറാഴ്ച നടന്ന പാരീസ് ഗെയിംസിൽ കാർലോസ് അൽകാരാസിനെ 7-6 (7/3), 7-6 (7/2) എന്ന സ്‌കോറിന് തോൽപ്പിച്ച് ജോക്കോവിച്ച് സ്വർണ്ണ മെഡൽ നേടിയതിന് തൊട്ടുപിന്നാലെയാണ് പ്രഖ്യാപനം. .
ആന്ദ്രെ അഗാസി, റാഫേൽ നദാൽ, സ്റ്റെഫി ഗ്രാഫ്, സെറീന വില്യംസ് എന്നിവർക്കൊപ്പം നാല് ഗ്രാൻഡ്സ്ലാം ടൂർണമെൻ്റുകളും ഒളിമ്പിക് സിംഗിൾസ് സ്വർണവും നേടിയ ഒരേയൊരു താരമായി ഈ വിജയം അദ്ദേഹത്തെ പ്രതിഷ്‌ഠിച്ചു.
