യുപിയിലെ ഭാരത് ജോഡോ യാത്ര; പങ്കെടുക്കാൻ ക്ഷണം ലഭിച്ചിട്ടില്ലെന്ന് സീതാറാം യെച്ചൂരി

ഉത്തർപ്രദേശിൽ രാഹുൽഗാന്ധി നയിക്കുന്ന ഭാരത് ജോഡോ യാത്രയിൽ പങ്കെടുക്കാനുള്ള കോൺഗ്രസ് പാർട്ടിയുടെ ക്ഷണം ലഭിച്ചിട്ടില്ലെന്ന് സിപിഐഎം നേതാവ് സീതാറാം യെച്ചൂരി. ഞങ്ങൾക്ക് ഖനം ലഭിച്ചിട്ടില്ല എന്ന് അദ്ദേഹം വ്യക്തമാക്കി. അതേസമയം, യാത്രയിൽ പങ്കെടുക്കാൻ പ്രതിപക്ഷ പാർട്ടികളെ ഉത്തർപ്രദേശിലേക്ക് ക്ഷണിക്കുമെന്ന് മുതിർന്ന കോൺഗ്രസ് നേതാവ് സൽമാൻ ഖുർഷിദ് നേരത്തെ പറഞ്ഞിരുന്നു.

“ഇന്ന് മുതൽ ജനുവരി 3 വരെ ഞങ്ങൾ രാഹുലിന്റെ സന്ദർശനത്തിനായി കാത്തിരിക്കും. യാത്രയ്ക്കിടെ അദ്ദേഹം യുപിയിൽ എത്തിയിട്ടില്ല. എന്നാൽ മൂന്ന് ജില്ലകളെ കുറിച്ച് ഞങ്ങൾ പദ്ധതിയിട്ടിട്ടുണ്ട്, രാഹുൽ ഉടൻ തന്നെ കവർ ചെയ്യുമെന്നും” അദ്ദേഹം പറഞ്ഞു.

ഉത്തർപ്രദേശിലെ ഗാസിയാബാദ്, ബാഗ്പത്, ഷാംലി എന്നിവിടങ്ങളിൽ രാഹുൽ പങ്കെടുക്കുമെന്ന് ഖുർഷിദ് അറിയിച്ചു. പതിനൊന്നായിരം യാത്രക്കാർ യാത്രയിൽ ചേരും. പ്രതിപക്ഷ നേതാക്കളുടെ നേതാക്കളെയും മാർച്ചിൽ പങ്കെടുക്കാൻ ക്ഷണിക്കുന്നു,” ഖുർഷിദ് നേരത്തെ പറഞ്ഞു.

സെപ്റ്റംബർ ഏഴിന് കന്യാകുമാരിയിൽ നിന്ന് ആരംഭിച്ച കോൺഗ്രസ് പദയാത്ര അടുത്ത വർഷത്തോടെ 3,570 കിലോമീറ്റർ പിന്നിടും. ഇന്ത്യയുടെ ചരിത്രത്തിലെ ഏതൊരു ഇന്ത്യൻ രാഷ്ട്രീയക്കാരനും കാൽനടയായി നടക്കുന്ന ഏറ്റവും ദൈർഘ്യമേറിയ ജാഥയാണിതെന്ന് കോൺഗ്രസ് അവകാശപ്പെട്ടു.