അടിയന്തരാവസ്ഥ; കുടുംബത്തെ അധികാരത്തിൽ നിലനിർത്താൻ കോൺഗ്രസ് ഭരണഘടനയുടെ ആത്മാവിനെ തകർത്തു: അമിത് ഷാ
രാജ്യത്ത് അടിയന്തരാവസ്ഥ ഏർപ്പെടുത്തിയതിന് കോൺഗ്രസിനെതിരെ ശക്തമായി രംഗത്തെത്തിയ ബിജെപി നേതാവും കേന്ദ്ര ആഭ്യന്തരമന്ത്രിയുമായ അമിത് ഷാ, “ഒരു പ്രത്യേക കുടുംബത്തെ അധികാരത്തിൽ നിലനിർത്താൻ” പ്രതിപക്ഷ പാർട്ടി ഭരണഘടനയുടെ ആത്മാവിനെ പലതവണ തകർത്തുവെന്ന് പറഞ്ഞു.
1975ലെ അടിയന്തരാവസ്ഥയുടെ 49-ാം വാർഷികത്തിൽ, കോൺഗ്രസ് നേതാവ് രാഹുൽ ഗാന്ധിയെ പാർട്ടിയുടെ യുവരാജ് എന്ന് വിളിച്ച് ആഞ്ഞടിച്ച അമിത് ഷാ , തൻ്റെ മുത്തശ്ശി ഇന്ദിരാഗാന്ധി അടിയന്തരാവസ്ഥ ഏർപ്പെടുത്തിയ കാര്യം മറന്നുപോയെന്നും പറഞ്ഞു. “ഒരു പ്രത്യേക കുടുംബത്തെ അധികാരത്തിൽ നിലനിർത്തുന്നതിന് വേണ്ടി കോൺഗ്രസ് നമ്മുടെ ഭരണഘടനയുടെ ആത്മാവിനെ പലതവണ തകർത്തു. അടിയന്തരാവസ്ഥക്കാലത്ത് ഇന്ദിരാഗാന്ധി ഇന്ത്യയിലെ ജനങ്ങൾക്ക് മേൽ ക്രൂരമായ അതിക്രമങ്ങൾ അഴിച്ചുവിട്ടു,” അമിത് ഷാ ‘എക്‌സിൽ’ എഴുതി.
‘അടിയന്തരാവസ്ഥ ആവശ്യമാണെന്ന് കരുതുന്ന ഈ രാജ്യത്തെ ഏതെങ്കിലും പ്രധാനമന്ത്രി അടിയന്തരാവസ്ഥ ബാധകമാക്കുന്നില്ലെങ്കിൽ അദ്ദേഹം ഈ രാജ്യത്തിൻ്റെ പ്രധാനമന്ത്രിയാകാൻ യോഗ്യനല്ല’ എന്ന് രാജീവ് ഗാന്ധി പറഞ്ഞു. സ്വേച്ഛാധിപത്യ നടപടിയിൽ അഭിമാനിക്കുന്ന നടപടി കോൺഗ്രസിന് കുടുംബവും അധികാരവുമല്ലാതെ മറ്റൊന്നും പ്രിയപ്പെട്ടതല്ലെന്നും അദ്ദേഹം കൂട്ടിച്ചേർത്തു.
