തെരഞ്ഞെടുപ്പ് പരാജയം; മേയര് ആര്യാ രാജേന്ദ്രനെതിരെ സിപിഎമ്മിൽ രൂക്ഷവിമര്ശനം
![single-img](https://www.evartha.in/wp-content/themes/nextline_evartha_v2/images/footer_logo.png)
29 June 2024
![](https://www.evartha.in/wp-content/uploads/2024/06/arya.jpg)
ലോക്സഭാ തെരഞ്ഞെടുപ്പിലെ ദയനീയ പരാജയത്തിന് പിന്നാലെ തിരുവനന്തപുരം സിപിഎം ജില്ലാസെക്രട്ടറിയേറ്റ് യോഗത്തില് മേയര് ആര്യാ രാജേന്ദ്രനെതിരെ രൂക്ഷവിമര്ശനം. മേയറുടെ പെരുമാറ്റം അസഹനീയമാണെന്നും ഇത് ജില്ലയില് പാര്ട്ടിയുടെ വോട്ട് കുറച്ചെന്നും അംഗങ്ങള് വിമര്ശനം ഉയർത്തി .
ഈ രീതി ഇനിയും തുടരുകയാണെങ്കില് നഗരസഭാ തിരഞ്ഞെടുപ്പില് വലിയ വില കൊടുക്കേണ്ടി വരുമെന്നും വിമര്ശിച്ചു. ഇതോടൊപ്പം തിരുവനന്തപുരത്തെ ബിജെപിയുടെ വോട്ട് വളര്ച്ചയിലും ജില്ലാ സെക്രട്ടറിയേറ്റ് ആശങ്ക പ്രകടിപ്പിച്ചു.
തിരുവനന്തപുരം, ആറ്റിങ്ങല് മണ്ഡലങ്ങളില് ബിജെപി വോട്ട് ഉയര്ത്തിയത് ആശങ്കാജനകമാണെന്ന് യോഗത്തില് നേതാക്കള് ഉന്നയിച്ചു. പാര്ട്ടി ശക്തികേന്ദ്രങ്ങളിലും ബിജെപിയിലേക്ക് വോട്ട് ചോര്ന്നതായി വിലയിരുത്തി. ഇന്നും ജില്ലാ കമ്മിറ്റി യോഗം ചേരുന്നുണ്ട്.