ഒളിമ്പ്യൻ ശ്രീജേഷിനും കുടുംബത്തിനും സദ്യയൊരുക്കി സ്വീകരിച്ച് സുരേഷ് ഗോപി

ഹോക്കിതാരം ഒളിമ്പ്യൻ ശ്രീജേഷിനും കുടുംബത്തിനും സ്വീകരണം നൽകി കേന്ദ്ര മന്ത്രി സുരേഷ് ഗോപി. സദ്യയൊരുക്കിയായിരുന്നു സുരേഷ് ഗോപി ഒളിമ്പിക്സ് ഹോക്കിയിൽ വെങ്കല മെഡൽ ജേതാവും, ഇന്ത്യയുടെ അഭിമാനവുമായ പി ആർ ശ്രീജേഷിനെയും കുടുംബത്തെയും സ്വീകരിച്ചത്.

സുരേഷ് ഗോപിയും ഭാര്യ രാധിക സുരേഷ് ഗോപിയും സ്വന്തം വീട്ടിലാണ് ശ്രീജിത്തിനായി സദ്യ ഒരുക്കിയത്. ഇന്ത്യക്കായി വിയർത്തു നേടിയ ഈ മേഡലുകൾക്കും അംഗീകാരത്തിനും രാജ്യം എന്നും ശ്രീജേഷിനോട് കടപ്പെട്ടിരിക്കുന്നു എന്ന് സുരേഷ് ഗോപി അഭിനന്ദനങ്ങൾ അറിയിച്ചു കൊണ്ട് പറഞ്ഞു. ശ്രീജേഷിനോടൊപ്പം ഭാര്യ ഡോ. അനീഷ്യ, കുട്ടികൾ, സഹോദരങ്ങൾ മാതാപിതാക്കൾ എന്നിവരും ഉണ്ടായിരുന്നു.