കൂടുതൽ ഭാഷകൾ പഠിച്ചാൽ കൂടുതൽ ആളുകളുമായി ബന്ധപ്പെടാൻ കഴിയും; ഹിന്ദി പഠിക്കണമെന്ന് തമിഴ്‌നാട് ഗവർണർ
10 January 2023
നിരവധി ഭാഷകൾ പഠിക്കാൻ ശ്രമിക്കണമെന്നും രാജ്യത്ത് ഏറ്റവും കൂടുതൽ ആളുകൾ ഹിന്ദി സംസാരിക്കുന്നതിനാൽ അത് പഠിക്കുന്നത് സഹായകരമാകുമെന്നും തമിഴ്‌നാട് ഗവർണർ ആർഎൻ രവി ചൊവ്വാഴ്ച പറഞ്ഞു.
“നമുക്ക് കഴിയുന്നത്ര ഭാഷകൾ നമ്മൾ പഠിക്കണം. നമ്മുടെ രാജ്യത്ത് നിരവധി ഭാഷകളുണ്ട്. ഒരു ഭാഷ കൂടി പഠിക്കുന്നത് ഒരു നേട്ടമാണ്. കൂടുതൽ ഭാഷകൾ പഠിച്ചാൽ കൂടുതൽ ആളുകളുമായി ബന്ധപ്പെടാൻ കഴിയും,” സിവിൽ സർവീസ് മോഹികളുമായി സംവദിക്കുന്നതിനിടയിൽ അദ്ദേഹം പറഞ്ഞു.
“ഈ രാജ്യത്ത് ഏറ്റവും കൂടുതൽ ആളുകൾ ഹിന്ദി സംസാരിക്കുന്നതിനാൽ, ഒരു ഇന്ത്യൻ ഭാഷ കൂടി പഠിക്കുന്നത് സഹായകമാകും,” ഹിന്ദി ഭാഷയെക്കുറിച്ച് ചോദിച്ചപ്പോൾ ഗവർണർ പറഞ്ഞു.
