ആംബുലന്‍സുകളെ രണ്ട് വിഭാഗമായി തിരിച്ചുകൊണ്ട് താരിഫ് ഏര്‍പ്പെടുത്തും: മന്ത്രി ഗണേഷ് കുമാർ
17 January 2024
കേരളത്തിലെ ആംബുലന്‍സുകള്‍ക്ക് താരിഫ് ഏര്‍പ്പെടുത്തുമെന്ന് ഗതാഗത വകുപ്പ് മന്ത്രി കെ.ബി ഗണേഷ് കുമാര്‍. ഇതിനായി അഡീഷണല്‍ ട്രാന്‍സ്പോര്‍ട്ട് കമ്മീഷണര്‍ അധ്യക്ഷനായി അഞ്ചംഗ സമിതി രൂപീകരിച്ചതായും ഒരു മാസത്തിനുള്ളില്‍ സമിതി റിപ്പോര്‍ട്ട് സമര്‍പ്പിക്കുമെന്നും മന്ത്രി അറിയിച്ചു .
ആംബുലന്‍സുകള്‍ പാവപ്പെട്ട ആളുകളെ ധാരാളം ചൂഷണം ചെയ്യുന്നതായി കാണുന്നുണ്ട്. ലൈഫ് സപ്പോര്‍ട്ടിങ് സംവിധാനമുള്ളതും അല്ലാത്തതുമായ ആംബുലന്‍സുകളെ രണ്ട് വിഭാഗമായി തിരിച്ചായിരിക്കും താരിഫ് ഏര്‍പ്പെടുത്തുക.
ആംബുലന്‍സ് സംഘടനയുടെ നേതാക്കളുമായി ഈ കാര്യങ്ങൾ സംസാരിച്ചിട്ടുണ്ടെന്നും താരിഫ് ഏര്‍പ്പെടുത്തുന്നതിനെ അവര്‍ സ്വാഗതം ചെയ്തിട്ടുണ്ടെന്നും മന്ത്രി കൂട്ടിച്ചേർത്തു .
