കാ​റി​ൽ ചാ​രി​നി​ന്ന കു​ട്ടി​യെ ച​വി​ട്ടി​യ സം​ഭ​വം: പ്ര​തി മു​ഹ​മ്മ​ദ് ഷി​ഹാ​ദ് റി​മാ​ൻ​ഡ് ചെ​യ്തു

കാ​റി​ൽ ചാ​രി​നി​ന്ന രാജസ്ഥാൻ സ്വദേശിയായ കു​ട്ടി​യെ ച​വി​ട്ടി​ത്തെ​റി​പ്പി​ച്ച കേ​സി​ലെ പ്ര​തി മു​ഹ​മ്മ​ദ് ഷി​ഹാ​ദി​നെ റി​മാ​ൻ​ഡ് ചെ​യ്തു. 14 ദി​വ​സ​ത്തേ​യ്ക്ക് ത​ല​ശേ​രി കോ​ട​തി​യാ​ണ് മു​ഹ​മ്മ​ദി​നെ റി​മാ​ൻ​ഡ് ചെ​യ്ത​ത്. ആദ്യം കുട്ടിയുടെ തലക്ക് ഇടിച്ച പ്രതി, കുട്ടി കാറിന് സമീപത്ത് നിന്ന് മാറാതായതോടെ ചവിട്ടുകയായിരുന്നു. കുട്ടി തിരിഞ്ഞില്ലായിരുന്നുവെങ്കിൽ ചവിട്ടേറ്റ് മരണം വരെ സംഭവിക്കാമായിരുന്നുവെന്നാണ് റിമാൻഡ് റിപ്പോർട്ടിൽ പറയുന്നത്.

തലശേരിയിൽ തിരക്കേറിയ തെരുവിൽ നോ പാർക്കിംഗ് ഏരിയയിൽ ഇയാൾ വാഹനം നിർത്തിയ സമയത്താണ് കുട്ടി ചാരി നിന്നത്. തുടർന്നാണ് പ്രകോപിതനായ ഷിഹാദ് കുട്ടിയെ തൊഴിച്ചത്. രാ​ജ​സ്ഥാ​ൻ സ്വ​ദേ​ശി​യാ​യ ആ​റു വ​യ​സു​കാ​ര​ൻ ഗ​ണേ​ശി​നാ​ണ് മ​ർ​ദ​ന​മേ​റ്റ​ത്. ബാ​ല​നെ മ​ർ​ദി​ച്ച​ത് ചി​ല​യാ​ളു​ക​ൾ ചോ​ദ്യം ചെ​യ്തെ​ങ്കി​ലും അ​ത് ഗൗ​നി​ക്കാ​തെ ഷി​ഹാ​ദ് കാ​റി​ൽ ക​യ​റി പോ​കു​ക​യാ​യി​രു​ന്നു.

ചവിട്ടിൽ കു​ട്ടി​യു​ടെ ന​ടു​വി​ന് സാ​ര​മാ​യ പ​രി​ക്കേ​റ്റ​താ​യാ​ണ് റി​പ്പോ​ർ​ട്ട്. സം​ഭ​വ​ത്തി​ൽ സ്വ​മേ​ധ​യാ കേ​സെ​ടു​ക്കു​മെ​ന്ന് ബാ​ലാ​വ​കാ​ശ ക​മ്മീ​ഷ​ൻ അ​റി​യി​ച്ചു. പോ​ലീ​സി​നോ​ട് വി​ശ​ദീ​ക​ര​ണം ആ​വ​ശ്യ​പ്പെ​ടു​മെ​ന്നും ബാ​ലാ​വ​കാ​ശ ക​മ്മീ​ഷ​ൻ ചെ​യ​ർ​മാ​ൻ കെ.​വി. മ​നോ​ജ് കു​മാ​ർ പ​റ​ഞ്ഞി​രു​ന്നു.