എം ടി വാസുദേവൻ നായരുടെ വീട്ടിൽ മോഷണം; 26 പവൻ സ്വർണം കവർന്നു

പ്രശസ്ത സാഹിത്യകാരൻ എം.ടി വാസുദേവൻ നായരുടെ വീട്ടിൽ മോഷണം നടന്നു. കോഴിക്കോട് ജില്ലയിലെ നടക്കാവുള്ള വീട്ടിൽ നിന്നും 26 പവൻ സ്വർണ്ണമാണ് മോഷ്ടാക്കൾ കവർന്നത് . എം.ടിയുടെ ഭാര്യ നൽകിയ പരാതിയിൽ നടക്കാവ് പോലീസ് സംഭവത്തിൽ കേസെടുത്തു.

കഴിഞ്ഞ മാസം 22നും 30നും ഇടയിൽ മോഷണം നടന്നുവെന്നാണ് കരുതപ്പെടുന്നത് . കഴിഞ്ഞ ദിവസം അലമാര തുറന്ന് പരിശോധിച്ചപ്പോഴാണ് സ്വർണഭരണങ്ങൾ മോഷണം പോയതായി അറിയുന്നത്. ഇപ്പോൾ സിസിടിവി കേന്ദ്രീകരിച്ച് അന്വേഷിക്കുകയാണ് പൊലീസ്.