റാലിയിലേക്ക് സിപിഎം തിരുകി കയറ്റിയവരാണ് കൂലിക്ക് വന്നതെന്ന് പറഞ്ഞത്: പി വി അൻവർ

ഇന്നലെ പാലക്കാട് നടന്ന ഡിഎംകെയുടെ ശക്തി പ്രകടനത്തിന് പിവി അൻവർ ആളുകളെ കൂലിക്കെടുത്തോ എന്ന ചോദ്യമാണ് സോഷ്യൽ മീഡിയയിൽ ഉയരുന്നത്. ഇതിനെ സാധൂകരിക്കുന്ന ചില സ്ത്രീകളായ പ്രവർത്തകരുടെ പ്രസ്താവനകളും ചാനലുകളിൽ വന്നിരുന്നു.

ഇപ്പോഴിതാ, സോഷ്യൽമീഡിയയുടെ പരിഹാസത്തിന് പി വി അൻവർ എംഎൽഎയുടെ മറുപടി ഇങ്ങനെ. ഡിഎംകെ റാലിയിൽ സിപിഎം ചിലരെ തിരുകി കയറ്റി. അവരാണ് കൂലിക്ക് വന്നതെന്ന് പറഞ്ഞത്.ഇതിന് പിന്നിൽ സിപിഎം ആണെന്നും ഒരാളേയും പണം കൊടുത്ത് എത്തിച്ചിട്ടില്ലെന്നും അൻവർ പറഞ്ഞു.

താൻ വളരെയധികം അപമാനം സഹിച്ചാണ് പാലക്കാട്ടെ സ്ഥാനാർത്ഥിയെ പിൻവലിച്ചതെന്നും ഈ നാണക്കേട് സഹിച്ചത് ബിജെപിയെ തടയാനെന്നും പി വി അൻവർ കൂട്ടിച്ചേർത്തു.