9-ാം ക്ലാസ്സില്‍ പഠിക്കുന്ന മൂന്ന് പെൺകുട്ടികളെ തിരുവനന്തപുരത്തുനിന്നും കാണാതായി
27 August 2024
സംസ്ഥാന തലസ്ഥാനമായ തിരുവനന്തപുരത്തുനിന്നും 3 പെണ്‍കുട്ടികളെ കാണാനില്ല. പട്ടം കേന്ദ്രീയ വിദ്യാലയത്തില്‍ 9-ാം ക്ലാസ്സില്‍ പഠിക്കുന്ന ഭാഗ്യശ്രീ, ആര്യ, അഭിരാമി എന്നീ പെണ്‍കുട്ടികളെയാണ് കാണാതായത്.
ഇന്ന് ഉച്ചയ്ക്ക് 12.30ന്റെ ക്ലാസില്‍ പങ്കെടുക്കാനായി സ്‌കൂള്‍ ബസിലെത്തിയ കുട്ടികള്‍ ക്ലാസില്‍ കയറിയിട്ടില്ല. ഇതിനു പിന്നാലെ സ്‌കൂള്‍ അധികൃതര്‍ വിവരം രക്ഷിതാക്കളെയും പൊലീസിനെയും അറിയിക്കുകയായിരുന്നു . മെഡിക്കല്‍ കോളജ് പൊലീസ് അന്വേഷണം ആരംഭിച്ചിട്ടുണ്ട് . കുട്ടികള്‍ക്കായി നഗരത്തില്‍ തിരച്ചില്‍ തുടരുകയാണ്.
