പ്രധാനമന്ത്രി മോദിയെയും യെദ്യൂരപ്പയെയും ഒരിക്കൽ കൂടി വിശ്വസിക്കൂ; കർണാടകയിൽ ബിജെപി സർക്കാർ രൂപീകരിക്കും: അമിത് ഷാ

ഇത്തവണ നിയമസഭാ തെരഞ്ഞെടുപ്പിൽ കർണാടകയിൽ പൂർണ്ണ ഭൂരിപക്ഷത്തോടെ ബിജെപി സർക്കാർ രൂപീകരിക്കുമെന്ന് കേന്ദ്ര ആഭ്യന്തര മന്ത്രി അമിത് ഷാ . പ്രധാനമന്ത്രി നരേന്ദ്ര മോദിയിലും മുൻ മുഖ്യമന്ത്രി ബിഎസ് യെദ്യൂരപ്പയിലും വിശ്വാസം വീണ്ടെടുക്കാൻ ജനങ്ങളോട് അദ്ദേഹം അഭ്യർത്ഥിച്ചു. രണ്ട് മാസത്തിനുള്ളിൽ ഇത് നാലാം തവണയാണ് അമിത്ഷാ തെരഞ്ഞെടുപ്പ് നടക്കുന്ന സംസ്ഥാനത്ത് എത്തുന്നത്. കർണാടകയിലെ ബല്ലാരി ജില്ലയിലെ സന്ദൂരിൽ ഒരു പൊതുസമ്മേളനത്തെ അഭിസംബോധന ചെയ്ത് സംസാരിക്കുകയായിരുന്നു അമിത് ഷാ.

പ്രധാനമന്ത്രി മോദിയെയും യെദ്യൂരപ്പയെയും ഒരിക്കൽ വിശ്വസിക്കൂ, കർണാടകയെ അഴിമതിയിൽ നിന്ന് മുക്തമാക്കുകയും ദക്ഷിണേന്ത്യയിലെ ഒന്നാം നമ്പർ സംസ്ഥാനമാക്കുകയും ചെയ്യുന്ന അത്തരമൊരു സർക്കാർ ഞങ്ങൾ (ബിജെപി) നൽകുമെന്നും ഷാ പറഞ്ഞു.

“ഇത്തവണ, ബിജെപി പൂർണ്ണ ഭൂരിപക്ഷത്തോടെ സംസ്ഥാനത്ത് സർക്കാർ രൂപീകരിക്കും. പൂർണ്ണ ഭൂരിപക്ഷ സർക്കാർ രൂപീകരിക്കാൻ എന്നോടൊപ്പം കൈകോർക്കുക.”- മെയ് മാസത്തോടെ നടക്കാനിരിക്കുന്ന തെരഞ്ഞെടുപ്പിനുള്ള പാർട്ടിയുടെ തയ്യാറെടുപ്പുകൾക്ക് പുത്തൻ ഉണർവ് നൽകാൻ ശ്രമിച്ചുകൊണ്ട് ഷാ പറഞ്ഞു.