‘ടർബോ’യും ‘ഇന്ത്യൻ 2’വും ഒരേ ദിവസം ഒടിടിയിലേക്ക്
5 August 2024
മമ്മൂട്ടി നായകനായ ടർബോയും കമൽഹാസന്റെ ഇന്ത്യൻ 2വും ഒരേ ദിവസമാണ് ഒടിടിയിലേക്ക് എത്തുന്നത്. ഓഗസ്റ്റ് ഒൻപതിനാണ് രണ്ടു ചിത്രങ്ങളുടെയും ഒടിടി സ്ട്രീമിംഗ് ആരംഭിക്കുന്നത്. ടർബോ സോണി ലിവിനാണ് സ്ട്രീമിംഗ് അവകാശം വിറ്റു പോയിരിക്കുന്നത്.
മമ്മൂട്ടി കമ്പനി നിർമിച്ച ഈ ചിത്രം 70 കോടിയോളം രൂപ ബോക്സ് ഓഫീസിൽ നിന്നും കളക്ട് ചെയ്തുവെന്നാണ് ഔദ്യോഗിക വിവരം.ശങ്കർ-കമൽഹാസൻ കൂട്ടുകെട്ടിൽ വളരെ പ്രതീക്ഷയോടെ കാത്തിരുന്ന ചിത്രമാണ് ഇന്ത്യൻ 2.
പക്ഷെ പ്രതീക്ഷിച്ച നിലവാരത്തിലേക്ക് സിനിമ ഉയർന്നില്ല എന്ന പ്രതികരണമാണ് ആദ്യം മുതൽ പ്രേക്ഷകരിൽ നിന്നും ലഭിച്ചുകൊണ്ടിരുന്നത്. ഈ സിനിമയിലെ ഗാനങ്ങളെല്ലാം ഹിറ്റാണ്. അനിരുദ്ധ് രവിചന്ദറാണ് ഇന്ത്യൻ 2-ന് സംഗീത സംവിധാനം നിർവഹിച്ചത്. നെറ്റ്ഫ്ലിക്സിനാണ് ഇന്ത്യൻ 2വിന്റെ സ്ട്രീമിംഗ് അവകാശം വിറ്റുപോയിരിക്കുന്നത്.
