നിരുപാധിക മാപ്പ്; ബാബാ രാംദേവിനെതിരായ കോടതിയലക്ഷ്യ കേസ് സുപ്രീം കോടതി അവസാനിപ്പിച്ചു
പതഞ്ജലിയുടെ ആയുർവേദ ഉൽപന്നങ്ങളെ കുറിച്ച് തെറ്റിദ്ധരിപ്പിക്കുന്ന രീതിയിലുള്ള പരസ്യങ്ങളും മറ്റ് അവകാശവാദങ്ങളും നൽകുന്നത് തടയാൻ യോഗ ഗുരു ബാബാ രാംദേവിനും ആചാര്യ ബാലകൃഷ്ണയ്ക്കും എതിരായ കോടതിയലക്ഷ്യ കേസ് സുപ്രീം കോടതി അവസാനിപ്പിച്ചു.
ജസ്റ്റിസ് ഹിമ കോഹ്‌ലി, ജസ്റ്റിസ് അഹ്‌സനുദ്ദീൻ അമാനുല്ല എന്നിവരടങ്ങിയ ബെഞ്ച് മെയ് 14ന് കോടതിയലക്ഷ്യ നോട്ടീസ് പുറപ്പെടുവിച്ചത്. കൊവിഡ് വാക്‌സിനേഷൻ ഡ്രൈവിനും മോഡേൺ മെഡിസിനും എതിരെ പതഞ്ജലി അപകീർത്തികരമായ പ്രചാരണം നടത്തിയെന്ന് ആരോപിച്ച് ഇന്ത്യൻ മെഡിക്കൽ അസോസിയേഷൻ (ഐഎംഎ) സമർപ്പിച്ച ഹർജിയിലാണ് നടപടി .
ജനങ്ങളെ തെറ്റിദ്ധരിപ്പിക്കുന്ന രീതിയിൽ പതഞ്ജലിയുടെ കീഴിലുള്ള മരുന്ന് ഉൽപന്നങ്ങളുടെ പരസ്യം നൽകിയതിന് യോഗ ഗുരു രാംദേവും അദ്ദേഹത്തിൻ്റെ സഹായി ആചാര്യ ബാലകൃഷ്ണയും പത്ര പരസ്യത്തിലൂടെ മാപ്പ് പറഞ്ഞിരുന്നു. കോവിഡ്സ മയത്ത് കോറോണിൽ പോലുള്ള ഉൽപ്പന്നങ്ങളുടെ ഔഷധ ഫലപ്രാപ്തിയെക്കുറിച്ച് പതഞ്ജലി നൽകിയ പരസ്യങ്ങളിൽ രാംദേവും ബാലകൃഷ്ണയും നിരുപാധികമായ മാപ്പ് സുപ്രീം കോടതിയിൽ സമർപ്പിച്ചിരുന്നു.
ആധുനിക വൈദ്യശാസ്ത്രത്തെ വിമർശിച്ചതിന് രാംദേവിനെതിരെ 1954 ലെ ഡ്രഗ്‌സ് ആൻഡ് മാജിക് റെമഡീസ് (ഒബ്ജക്ഷനബിൾ അഡ്വർടൈസ്‌മെൻ്റ്) നിയമത്തിൽ വ്യക്തമാക്കിയിട്ടുള്ള അസുഖങ്ങളും വൈകല്യങ്ങളും ചികിത്സിക്കുമെന്ന് അവകാശപ്പെടുന്ന പതഞ്ജലി ഉൽപ്പന്നങ്ങളുടെ എല്ലാ പരസ്യങ്ങളും നിർത്താൻ സുപ്രീം കോടതി നിർദ്ദേശിച്ചു. കോടതിയുടെ രൂക്ഷമായ വിമർശനത്തിന് ശേഷം, പതഞ്ജലി ആയുർവേദ് ഒരു സത്യവാങ്മൂലത്തിൽ നിരുപാധികം മാപ്പ് പറഞ്ഞു പ്രസ്താവനകളോ അടിസ്ഥാനരഹിതമായ അവകാശവാദങ്ങളോ ഉന്നയിക്കില്ലെന്ന് പതഞ്ജലി കോടതിക്ക് ഉറപ്പ് നൽകിയിരുന്നു.
