ഉറുഗ്വായ് ഡിഫൻഡർ ഇസ്‌ക്വിയേഡോ മത്സരത്തിനിടെ കുഴഞ്ഞുവീണ് മരിച്ചു
ക്രമരഹിതമായ ഹൃദയമിടിപ്പ് അനുഭവപ്പെട്ടതിനെത്തുടർന്ന് കഴിഞ്ഞയാഴ്ച മൈതാനത്ത് കുഴഞ്ഞുവീണ നാഷണൽ ഡിഫൻഡർ ജുവാൻ ഇസ്ക്വെർഡോ മരിച്ചുവെന്ന് അദ്ദേഹത്തിൻ്റെ ഉറുഗ്വേ ക്ലബ് ചൊവ്വാഴ്ച അറിയിച്ചു. ആഗസ്റ്റ് 22ന് ബ്രസീലിൽ സാവോപോളോയ്‌ക്കെതിരായ കോപ്പ ലിബർട്ടഡോർസ് മത്സരത്തിനിടെ കുഴഞ്ഞുവീണതിനെ തുടർന്ന് 27-കാരൻ ചികിത്സയിലായിരുന്നു.
“ഞങ്ങളുടെ ഹൃദയത്തിൽ അഗാധമായ ദുഃഖത്തോടും ഞെട്ടലോടും കൂടിയാണ് ഞങ്ങളുടെ പ്രിയപ്പെട്ട കളിക്കാരൻ ജുവാൻ ഇസ്‌ക്വിയേർഡോയുടെ മരണം ക്ലബ് നാഷനൽ പ്രഖ്യാപിക്കുന്നത്, അദ്ദേഹത്തിൻ്റെ കുടുംബത്തിനും സുഹൃത്തുക്കൾക്കും സഹപ്രവർത്തകർക്കും പ്രിയപ്പെട്ടവർക്കും ഞങ്ങൾ ആത്മാർത്ഥമായ അനുശോചനം രേഖപ്പെടുത്തുന്നു. അദ്ദേഹത്തിൻ്റെ നികത്താനാവാത്ത നഷ്ടത്തിൻ്റെ ദുഃഖത്തിലാണ് നാഷനൽ എല്ലാവരും” നാഷനൽ സോഷ്യൽ മീഡിയയായ എക്‌സിൽ എഴുതി .
സൗത്ത് അമേരിക്കൻ സോക്കർ ഗവേണിംഗ് ബോഡിയുടെ പ്രസിഡൻ്റായ അലജാൻഡ്രോ ഡൊമിംഗ്‌വെസും ഇസ്‌ക്വീർഡോയുടെ കുടുംബത്തിനും സുഹൃത്തുക്കൾക്കും അനുശോചനം അറിയിച്ചു. “ദക്ഷിണ അമേരിക്കൻ ഫുട്ബോൾ ദുഃഖത്തിലാണ്,” അദ്ദേഹം കൂട്ടിച്ചേർത്തു.
ഈ വാർത്തയിൽ അതീവ ദുഖമുണ്ടെന്ന് സാവോ പോളോ പറഞ്ഞു, ഇത് ഫുട്ബോളിന് സങ്കടകരമായ ദിനമാണെന്ന് വിശേഷിപ്പിച്ചു. മൊറൂംബി സ്റ്റേഡിയത്തിൽ നടന്ന മത്സരത്തിൻ്റെ 84-ാം മിനിറ്റിൽ ഇസ്ക്വിയേർഡോ ബോധരഹിതനായി നിലത്തു വീഴുകയായിരുന്നു . തുടർന്നു അദ്ദേഹത്തെ ആംബുലൻസിൽ പിച്ചിൽ നിന്ന് ആൽബർട്ട് ഐൻസ്റ്റീൻ ഹോസ്പിറ്റലിലെ തീവ്രപരിചരണ വിഭാഗത്തിൽ കൊണ്ടുപോയി.
