ഉപ്പ് തിന്നവർ വെള്ളം കുടിക്കും; തെറ്റ് ആര് ചെയ്താലും സംരക്ഷിക്കില്ല: മന്ത്രി മുഹമ്മദ് റിയാസ്

പി വി അൻവർ എംഎൽഎ ഉന്നത പോലീസ് ഉദ്യോഗസ്ഥർക്കെതിരെ നടത്തിപ്പ് ആരോപണത്തിൽ പ്രതികരണവുമായി മന്ത്രി പി എ മുഹമ്മ​ദ് റിയാസ്. ഉപ്പ് തിന്നവർ വെള്ളം കുടിക്കുമെന്നും പുഴുക്കുത്തുകൾ വെച്ചുപൊറുപ്പിക്കില്ലെന്നും അദ്ദേഹം പറഞ്ഞു.

ആര് തെറ്റുചെയ്താലും സംരക്ഷിക്കില്ല. ഈ കാര്യത്തിൽ സംസ്ഥാന മുഖ്യമന്ത്രിയും പാർട്ടി സെക്രട്ടറിയും നിലപാട് വ്യക്തമാക്കിയിട്ടുണ്ടെന്നും മന്ത്രി കൂട്ടിച്ചേ‍ർത്തു. അതേസമയം, പി വി അൻവർ ഉന്നയിച്ച പരാതിയെല്ലാം സിപിഐഎം പരിശോധിക്കുമെന്നാണ് മന്ത്രി എ കെ ശശീന്ദ്രൻ പ്രതികരിച്ചത്.