അങ്ങിനെ സംഭവിച്ചാൽ ബിജെപിക്ക് വേണ്ടി പ്രചരണം നടത്തും; പ്രധാനമന്ത്രി മോദിയെ വെല്ലുവിളിച്ച് കെജ്രിവാൾ
ഡൽഹി നിയമസഭാ തെരഞ്ഞെടുപ്പിന് മുമ്പ് എൻഡിഎ ഭരിക്കുന്ന സംസ്ഥാനങ്ങളിൽ സൗജന്യ വൈദ്യുതി നൽകണമെന്ന് എഎപി നേതാവ് അരവിന്ദ് കെജ്രിവാൾ പ്രധാനമന്ത്രി നരേന്ദ്ര മോദിയെ വെല്ലുവിളിച്ചു, ഈ ആവശ്യം നിറവേറ്റുകയാണെങ്കിൽ ബിജെപിക്ക് വേണ്ടി പ്രചാരണം നടത്തുമെന്ന് വാഗ്ദാനം ചെയ്തു.
ഒരു പൊതുസമ്മേളനത്തെ അഭിസംബോധന ചെയ്തുകൊണ്ട് കെജ്രിവാൾ, ബിജെപിയുടെ “ഇരട്ട എഞ്ചിൻ” സർക്കാരുകൾ സംസ്ഥാനങ്ങളിൽ ഉടനീളം പരാജയമാണെന്ന് ആരോപിച്ചു, ഹരിയാനയിൽ നിന്നും ജമ്മു കശ്മീരിൽ നിന്നും അവരെ പുറത്താക്കുമെന്ന് പ്രവചിച്ചു. ഡബിൾ എഞ്ചിൻ മോഡലിനെ “ഇരട്ട കൊള്ളയും ഇരട്ട അഴിമതിയും” എന്നാണ് അദ്ദേഹം വിശേഷിപ്പിച്ചത്.
“ഫെബ്രുവരിയിൽ നടക്കുന്ന ഡൽഹി നിയമസഭാ തെരഞ്ഞെടുപ്പിന് മുമ്പ് ബിജെപി ഭരിക്കുന്ന 22 സംസ്ഥാനങ്ങളിലും സൗജന്യ വൈദ്യുതി ലഭ്യമാക്കാൻ പ്രധാനമന്ത്രി മോദിയെ ഞാൻ വെല്ലുവിളിക്കുന്നു. അങ്ങനെ ചെയ്താൽ ഞാൻ ബിജെപിക്ക് വേണ്ടി പ്രചാരണം നടത്തും,” കെജ്രിവാൾ ഉറപ്പിച്ചു പറഞ്ഞു.
ഹരിയാനയിലും ജമ്മു കശ്മീരിലും ബിജെപിയുടെ ഇരട്ട എൻജിൻ സർക്കാരുകൾ ഉടൻ തകരുമെന്ന് എക്‌സിറ്റ് പോളുകൾ വ്യക്തമാക്കുന്നു,” അദ്ദേഹം കൂട്ടിച്ചേർത്തു.
