ബിജെപിയുടെ ഡബിൾ എഞ്ചിൻ സർക്കാർ അയോധ്യയെ ആഗോള വിനോദസഞ്ചാര കേന്ദ്രമാക്കും: യോഗി ആദിത്യനാഥ്

ബിജെപിയുടെ ഡബിൾ എഞ്ചിൻ സർക്കാർ രാമന്റെ ജന്മസ്ഥലമായ അയോധ്യയെ ആഗോള വിനോദസഞ്ചാര കേന്ദ്രമാക്കുമെന്ന് യുപി മുഖ്യമന്ത്രി യോഗി ആദിത്യനാഥ് . നഗരത്തെ ഒരു മതപരവും വേദപരവും ആത്മീയവുമായ കേന്ദ്രമായി സ്ഥാപിക്കാനുള്ള തന്റെ ഭരണപ്രതിബദ്ധത അദ്ദേഹം ആവർത്തിച്ചു.

അയോധ്യയിൽ 1,057 കോടി രൂപയുടെ 46 വികസന പദ്ധതികൾ ഇതോടൊപ്പം മുഖ്യമന്ത്രി ഉദ്ഘാടനം ചെയ്തു. അയോധ്യയുടെ വികസനത്തിനായി 30,000 കോടി രൂപയുടെ പദ്ധതികൾക്ക് സംസ്ഥാന-കേന്ദ്ര സർക്കാരുകൾ അംഗീകാരം നൽകിയിട്ടുണ്ട്. നഗരത്തിന്റെ സർവതോന്മുഖമായ പുരോഗതിക്കായി ഇരട്ട എഞ്ചിൻ സർക്കാർ പ്രതിജ്ഞാബദ്ധമാണെന്നും അദ്ദേഹം പറഞ്ഞു.

“സർക്കാർ ഈ സ്ഥലത്തിന്റെ മതപരവും സാംസ്കാരികവും ആത്മീയവുമായ പ്രാധാന്യം പ്രോത്സാഹിപ്പിക്കുക മാത്രമല്ല, ജനങ്ങളുടെ ക്ഷേമത്തിനായി അടിസ്ഥാന സൗകര്യങ്ങൾ വികസിപ്പിക്കുകയും ചെയ്യും. ഇപ്പോൾ, ശ്രീരാമന്റെ ജന്മസ്ഥലം ലോകത്തിന് മുന്നിൽ പുതിയ ഇന്ത്യയുടെ പുതിയ ഉത്തർപ്രദേശിനെ ചിത്രീകരിക്കുന്ന ഒരു ആഗോള വിനോദസഞ്ചാര കേന്ദ്രമാകും. ” യോഗി ആദിത്യനാഥ് പറഞ്ഞു.

ചടങ്ങിൽ വിവിധ സർക്കാർ പദ്ധതികളുടെ ഗുണഭോക്താക്കൾക്കുള്ള താക്കോൽ, ചെക്ക്, സർട്ടിഫിക്കറ്റ് എന്നിവയും മുഖ്യമന്ത്രി വിതരണം ചെയ്തു. “പ്രധാനമന്ത്രി നരേന്ദ്ര മോദിയുടെ നേതൃത്വത്തിൽ, 500 വർഷത്തെ നീണ്ട കാത്തിരിപ്പിനൊടുവിൽ, ഒടുവിൽ ശ്രീരാമന്റെ മഹത്തായ ക്ഷേത്രം നിർമ്മിക്കപ്പെടുന്നു. സമാധാനം, സമൃദ്ധി, ഐക്യം, പൊതുക്ഷേമം എന്നിവയ്ക്കായി പദ്ധതികൾ ആവിഷ്‌കരിക്കുന്നതിൽ ഇന്ത്യയും മികച്ച ജി 20 രാജ്യങ്ങളെ നയിക്കും. “- അദ്ദേഹം പറഞ്ഞു.