സഹീർ അല്ലെങ്കിൽ ആശിഷ് നെഹ്റ; ഇന്ത്യയുടെ ബൗളിംഗ് കോച്ച് സാധ്യതകൾ ഇങ്ങിനെ
ഇന്ത്യൻ ക്രിക്കറ്റ് ടീമിന്റെ മുഖ്യ പരിശീലകനായി ഗൗതം ഗംഭീർ എത്തുമെന്ന് ഉറപ്പായിക്കഴിഞ്ഞു. തുടർന്ന് സപ്പോർട്ടിംഗ് സ്റ്റാഫിലും മാറ്റങ്ങൾ ഉണ്ടാകുമെന്ന് ഉറപ്പാണ്. ഇപ്പോൾ ഇതാ, ബൗളിംഗ് പരിശീലകനെക്കുറിച്ചുള്ള സൂചനകളാണ് പുറത്തുവരുന്നത്.
മുൻ പേസർമാരായ സഹീർ ഖാൻ അല്ലെങ്കിൽ ആശിഷ് നെഹ്റ ഇവരിലൊരാൾ ഇന്ത്യൻ ടീമിന്റെ ബൗളിംഗ് പരിശീലകനാകുമെന്ന് പറയുകയാണ് പാകിസ്താൻ മുൻ താരം കമ്രാൻ അക്മൽ. രാഹുൽ ദ്രാവിഡ് മാറുമ്പോൾ ഗംഭീറിനേക്കാൾ മികച്ച പരിശീലകനായി മറ്റാരുമില്ല. ഇന്ത്യൻ ടീമിന് വിദേശ പരിശീലകരെ വേണമെന്ന് തനിക്ക് തോന്നുന്നില്ല.
ഇപ്പോഴത്തെ സാഹചര്യത്തിൽ ഗംഭീറിനേക്കാൾ മികച്ചൊരു പരിശീലകനെ ഇന്ത്യൻ ടീമിന് ലഭിക്കില്ലെന്ന് കമ്രാൻ അക്മൽ പറയുന്നു . ഇന്ത്യൻ പരിശീലകനായി ഗംഭീർ എത്തിയാൽ ബൗളിംഗ് കോച്ചായി സഹീർ ഖാനെയോ ആശിഷ് നെഹ്റയെയോ തിരഞ്ഞെടുക്കാമെന്ന് കമ്രാൻ അക്മൽ വ്യക്തമാക്കി.
